Azərbaycan Respublikası Kənd Təsərrüfatı Nazirliyi Azərbaycan Respublikası Kənd Təsərrüfatı Nazirliyinin fəaliyyətinin təmin edilməsi və “Bir sıra mərkəzi icra hakimiyyəti orqanlarının strukturlarının təsdiq edilməsi haqqında” Azərbaycan Respublikası Prezidentinin 2010-cu il 14 iyul tarixli 1015 nömrəli Sərəncamında dəyişiklik edilməsi barədə Azərbaycan Respublikası Prezidentinin 3 oktyabr 2014-cü il tarixli  Sərəncamı ilə yenidən təşkil edilmişdir.

Kənd Təsərrüfatı Nazirliyi Azərbaycan Respublikasında kənd təsərrüfatı məhsullarının, o cümlədən akvakultura obyektlərinin istehsalı və emalı, istehsalçılara zəruri xidmətlərin göstərilməsi, torpaqların səmərəli istifadəsi də daxil olmaqla aqrar bölmədə dövlət siyasətini işləyib hazırlayan və onu gerçəkləşdirən, normativ hüquqi və iqtisadi tənzimlənməni həyata keçirən, fitosanitar və baytarlıq sahələrində xidmətlər göstərən mərkəzi icra hakimiyyəti orqanıdır.

Tabe qurumlar:

• Kənd Təsərrüfatı Nazirliyi yanında Aqrar Xidmətlər Agentliyi

• Aqrar Kredit və İnkişaf Agentliyi

• Aqrar Tədqiqatlar Mərkəzi

• Aqrar Elm və İnnovasiya Mərkəzi

• Rayon və şəhər Dövlət Aqrar İnkişaf Mərkəzləri

• Dövlət Toxum Fondu

• Respublika Süni Mayalanma Mərkəzi

• “Azəraqrar Dövlət İstehsalat və Emal Birliyi” MMC

• “Aqrar Tədarük və Təchizat” ASC

• Dövlət Aqrar Ticarət Şirkəti

• “Green Park Azərbaycan” MMC

• “Aqrolizinq” ASC (Azərbaycan Respublikası Prezidentinin 21 iyun 2009-cu il tarixli 392 nömrəli Sərəncamı ilə Kənd Təsərrüfatı Nazirliyinin idarəçiliyinə verilmişdir)

Tarixi Yol:

• 1918 – Əkinçilik və Əmək Nazirliyi (Azərbaycan Milli Şurası)

• 1918 (oktyabr) – Dövlət Əmlakı və Əkinçilik Nazirliyi

• 1920 – Dövlət Torpaq Komissarlığı

• 1946 – Torpaq Komissarlığı Əkinçilik Nazirliyinə çevrildi, fevralda Kənd Təsərrüfatı Nazirliyi yaradıldı

• 1947 – Texniki Bitkilər Nazirliyi tərkibə daxil edildi

• 1985 – Dövlət Aqrar Sənaye Komitəsi yaradıldı

• 1992 – Müstəqil Azərbaycanın Kənd Təsərüfatı və Ərzaq Nazirliyi

• 1993 – Yenidən Kənd Təsərrüfatı Nazirliyi yaradıldı və fəaliyyətini davam etdirir